大project－｜痞客邦

今天要預備8-10 人晚餐, 早上吃過brunch 便去買餸

今天煲花膠湯, 事前媽咪替我準備好花膠,
我只是負責將豬氽水, 然後所有材料放落壓力煲....
less than 1小時, 正正滋潤花膠湯就煲好,
起初還擔心会不夠味, 但出來效果出乎地好, 很濃的老火湯 !!!

Next day,花膠湯 very 膠.....

材料:
花膠乾貨 6 只, 熱水落, 發至水變室溫
豬 HKD30 氽水
另葯材如圓肉, 蓮子, 北萁, 沙參等小許....
今次落水15碗, 用壓力煲大火煲到指示標升起, 轉小火煲30mins.... 攪掂!!!

另外就会再煮一次拿手咖喱薯仔雞亦,
恰巧細佬嚟幫我整电腦,
咖喱煮好, 夾了一点給他吃,
細佬也激讚此咖喱汁好正......
正因這樣, 魚忽發奇想, 不如自己整法飽來沾咖喱汁....

於是細佬上網找到Leisure Cat 的法飽 recipe....
很簡單呢!!!... 不過preparation 時間就頗長....

做了6 個, 2 個加入香草, 2 個加入sundried tomato, 2 個原味

效果.....um.....
親戚甲: 嘩, 我好終意呢個質感..好實在!!!
鱼: .............. (汗)
親戚乙: 點咖喱汁真係好啱喎!!!
魚: ...... 我覺得太硬, 好似發得唔夠鬆
魚媽咪 : 我最終意香草味那種... 好好味!!!
魚: 我都係 !!!
親戚丙: d 紅色係咩嚟咖??? (指sundried tomato)
魚 : 蕃茄乾....
親戚丙: 你自已晒架 ?
魚: nonono........之前睇徐蒝小姐 (註) 的一篇文章,
只有意大利的陽光, 氣候才可做到晒乾蕃茄....
徐小姐自已之前曾嘗試過晒, 最後都發哂霉,
所以香港所買到的都比較貴.... 而晒乾的蕃茄會有一份特別的香味
現場情况是立刻有7, 8 隻手去拿蕃茄味麵包 ....

其實我自已都不滿意今次法包的效果....
表皮雖然是脆...但入面很實, 不夠鬆...
是yesat 的問題? ferment 的時間, 温度???
有師傅可以指點一下嗎???

無名小站這兩天都不能upload 照片, 要遲些才能貼圖了.

(註)徐蒝小姐徐蒝野菜家的主理人, 私房菜開在元朗, 另有一高級雜貨店開在上環半山
有関她的報導 http://hk.lifestyle.yahoo.com/060405/82/1mp7n.html